បេសកកម្មចីរភាពរបស់យើង

នៅធនាគារ ស៊ីអាយអិមប៊ី ចីរភាព គឺជាផ្នែកសំខាន់មួយ នៃយុទ្ធសាស្ត្រ FORWARD23+ របស់យើង។ នេះមានន័យថា យើងបានប្តេជ្ញាចិត្តយ៉ាងមុតមាំ ក្នុងការបង្ហាញនូវភាពជាអ្នកដឹកនាំ លើបេសកកម្មចីរភាពរបស់យើង ខណៈដែលរក្សានូវតុល្យភាព នៃភាពរីកចម្រើន ប្រកបដោយទំនួលខុសត្រូវ។

ក្នុងនាមជាធនាគារឈានមុខគេ ដែលផ្តោតលើតំបន់អាស៊ាន យើងធ្វើការរួមបញ្ចូល នូវការយកចិត្តទុកដាក់ អំពីបរិស្ថាន សេដ្ឋកិច្ច និងសង្គម (EES) ទៅកាន់គ្រប់ផ្នែក នៃអាជីវកម្មរបស់យើង។ ជាមួយគ្នានេះ យើងនឹងវិនិយោគលើធនធានរបស់យើង ហើយធ្វើការជាមួយនឹងភាគីពាក់ព័ន្ធទាំងអស់ ដើម្បីបង្កើតនូវផលវិជ្ជមាន ចំពោះសង្គម និងបរិស្ថាន។

ផែនទីបង្ហាញផ្លូវ អំពីចីរភាព

គោលការណ៍ចីរភាព

នៅធនាគារ ស៊ីអាយអិមប៊ី យើងប្រកាន់ខ្ជាប់នូវតួនាទីសំខាន់របស់យើង ផ្នែកចីរភាព ដោយយើងយល់ច្បាស់ថា ឥទ្ធិពលរបស់យើងត្រូវបានពង្រីក លើសពីកិច្ចខិតខំប្រឹងប្រែងរបស់យើងផ្ទាល់ ក្នុងការលើកកម្ពស់ភាពរីកចម្រើន ដល់អតិថិជន និងភាគីពាក់ព័ន្ធទាំងអស់របស់យើង ដើម្បីឆ្ពោះទៅរកការផ្លាស់ប្តូរជាវិជ្ជមាន។ ការប្តេជ្ញាចិត្តរបស់យើង គឺជាការដឹកនាំ ដោយការធ្វើជាគំរូ និងការលើកទឹកចិត្ត ចំពោះការប្រព្រឹត្តទាំងឡាយណា ដែលជួយកាត់បន្ថយគ្រោះថ្នាក់ និងលើកកម្ពស់សុខុមាលភាព។ ហើយ​យើង​ជឿជាក់​ថា ​នេះគឺ​ជា​ខ្លឹមសារ​ពិតប្រាកដ ​នៃ​ការ​បង្កើត​ផល​​វិជ្ជមាន​។ លើសពីការរំពឹងនូវអនាគតកាន់តែល្អប្រសើរ យើងបានចាប់ផ្តើមសកម្មភាពយ៉ាងខ្លាំងក្លា ដោយការលើកកម្ពស់ភាពរីកមច្រើន ដល់អតិថិជន សហគមន៍ និងបរិស្ថានរបស់យើង។ យើងរួមគ្នាបង្កើតយុគសម័យ នៃភាពរុងរឿង។

គោលការណ៍ទាំងប្រាំ ខាងក្រោមនេះ ដែលបានបង្ហាញដឹកនាំផ្លូវ ពីសម្រាប់ការកិច្ច​ខិតខំ​ប្រឹងប្រែង ក្នុងការសម្រេចបាននូវផ្នែកចីរភាព​របស់​យើង៖

• រួមបញ្ចូលគ្នាយ៉ាងសកម្ម នូវការយកចិត្តទុកដាក់ ផ្នែកសេដ្ឋកិច្ច បរិស្ថាន និងសង្គម ក្នុងការសម្រេចចិត្ត ផ្នែកអាជីវកម្មរបស់យើង រួមមានការផ្តល់ហិរញ្ញប្បទាន ការវិនិយោគ និងលទ្ធកម្ម និងក្នុងការគ្រប់គ្រងផលប៉ះពាល់ ពីកត្តាមនុស្ស និងប្រតិបត្តិការរបស់យើង។
• ទទួលស្គាល់ និងគោរពតាមគោលការណ៍ ដែលត្រូវបានទទួលស្គាល់ជាអន្តរជាតិ ពីអង្គការសំខាន់ៗ ដើម្បីលើកកម្ពស់ដំណើរការអាជីវកម្ម ប្រកបដោយទំនួលខុសត្រូវ
• អនុវត្តវិធីសាស្រ្តប្រុងប្រយ័ត្នទុកជាមុន ដោយយកចិត្តទុកដាក់ខ្ពស់ ក្នុងការវាយតម្លៃ អនុម័ត និងគាំទ្រវិធានការ ដែលនឹងបង្ការ និងកាត់បន្ថយផលប៉ះពាល់ ដល់បរិស្ថាន ក៏ដូចជាលើកកម្ពស់សមភាព និងសមធម៌សង្គមផងដែរ។
• បង្កើតផលជាវិជ្ជមាន ដោយប្រកាន់យកនូវវិធីសាស្រ្តរួម ដើម្បីជិះឥទ្ធិពលជាវិជ្ជមាន ដល់ផ្នែកពាក់ព័ន្ធផ្សេងៗ នៃអាជីវកម្មរបស់យើង ក្នុងការសម្រេចបាននូវសមិទ្ធផល ផ្នែកចីរភាពរបស់ពួកគេ និងទទួលយកវិធីសាស្រ្តរួម ក្នុងការសម្រេចបាននូវការផ្លាស់ប្តូរ ទៅកាន់សេដ្ឋកិច្ចបៃតងមួយ។
• ភ្ជាប់ទំនាក់ទំនងយ៉ាងសកម្ម និងដោយបើកចំហ ជាមួយនឹងភាគីពាក់ព័ន្ធរបស់យើង ទាក់ទងនឹងការគ្រប់គ្រងហានិភ័យចីរភាព និងកំណត់ឱកាស សម្រាប់ការអភិវឌ្ឍ ប្រកបដោយចីរភាព។

ការអនុលោមតាមគោលដៅអភិវឌ្ឍន៍ ប្រកបដោយចីរភាព របស់អង្គការសហប្រជាជាតិ

ធនាគារ ស៊ីអាយអិមប៊ី ក្នុងប្រទេសកម្ពុជា គាំទ្រយ៉ាងពេញទំហឹង ចំពោះគោលដៅអភិវឌ្ឍន៍ ប្រកបដោយចីរភាព ឆ្នាំ២០៣០ (SDGs) ដែលជាផែនការសកម្មភាពរបស់អង្គការសហប្រជាជាតិ សម្រាប់មនុស្សជាតិ ភពផែនដី និងភាពរុងរឿង។ យើងអនុលោមតាមគោលដៅអាទិភាពទាំង៧ របស់ស៊ីអាយអិមប៊ី គ្រុប ក្នុងចំណោមគោលដៅអភិវឌ្ឍន៍ ប្រកបដោយចីរភាពទាំង១៧ របស់អង្គការសហប្រជាជាតិ។ កិច្ចខិតខំប្រឹងប្រែងរបស់យើង បានរួមចំណែកដល់ ស៊ីអាយអិមប៊ី គ្រុប ដើម្បីសម្រេចបាននូវគោលដៅជាក់លាក់ នៃចំណុចផ្តោតសំខាន់ទាំង៧នេះ។

បន្ថែមពីលើការអនុលោមតាមគោលដៅអភិវឌ្ឍន៍ ប្រកបដោយចីរភាព របស់អង្គការសហប្រជាជាតិ ធនាគារ ស៊ីអាយអិមប៊ី ក្នុងប្រទេសកម្ពុជា ដែលជាក្រុមហ៊ុនបុត្រសម្ព័ន្ធមួយរបស់ស៊ីអាយអិមប៊ី គ្រុប បានប្រកាន់យកគោលការណ៍ សម្រាប់ប្រតិបត្តិការធនាគារ ប្រកបដោយទំនួលខុសត្រូវ (Principles for Responsible Banking) របស់អង្គការ​ UNEP FI។ ស៊ីអាយអិមប៊ី គ្រុប គឺជាសមាជិកស្ថាបនិក និងជាធនាគារហត្ថលេខីដំបូងគេ ក្នុងតំបន់អាស៊ាន ក្នុងការអនុវត្តគោលការណ៍ទាំង៦នេះ ដែលផ្តល់នូវក្របខណ្ឌអនុវត្ត ក្នុងការបង្កើតប្រព័ន្ធធនាគារ ប្រកបដោយចីរភាព។ សូមស្វែងយល់បន្ថែមអំពី គោលការណ៍ សម្រាប់ប្រតិបត្តិការធនាគារ ប្រកបដោយទំនួលខុសត្រូវ របស់អង្គការ​ UNEP FI នៅទីនេះ។

ស៊ីអាយអិមប៊ី គ្រុប គឺជាធនាគារអាស៊ានទីមួយ ដែលបានចូលរួម ក្នុងសម្ព័ន្ធធនាគារ ដែលបំភាយឧស្ម័នកម្រិតសូន្យ (Net Zero Banking Alliance (NZBA))។ NZBA គឺជាផ្នែកមួយ នៃសម្ព័ន្ធហិរញ្ញវត្ថុ Glasgow សម្រាប់ការបំភាយឧស្ម័នកម្រិតសូន្យ (Glasgow Financial Alliance for Net Zero (GFANZ)) ។ NZBA មានសមាជិកចំនួន ១៤២ធនាគារ មកពី ៤៤ប្រទេស ដែលតំណាងឱ្យជាង ៤១% នៃទ្រព្យសកម្មធនាគារទូទាំងពិភពលោក ដោយបានប្តេជ្ញាចិត្ត ក្នុងការកំណត់ការវិនិយោគ និងការផ្តល់ហិរញ្ញប្បទានរបស់ពួកគេ ជាមួយនឹងការបំភាយឧស្ម័នកម្រិតសូន្យ ត្រឹមឆ្នាំ២០៥០។ សូមចូលអានបន្ថែម អំពី NZBA និងឯកសារចីរភាពរបស់យើង នៅលើ “Our Path to Net Zero: Charting a Course to Decarbonisation”

https://www.unepfi.org/net-zero-banking/

https://www.cimb.com/content/dam/cimb/group/documents/cimb-net-zero-whitepaper-20231123.pdf

របាយការណ៍ចីរភាព

ស៊ីអាយអិមប៊ី គ្រុប បានបង្ហាញអំពីសមិទ្ធផលចីរភាព នៅក្នុងរបាយការណ៍ចីរភាពប្រចាំឆ្នាំ របស់ធនាគារ ស៊ីអាយអិមប៊ី។ របាយការណ៍នេះ គឺជាការរួមបញ្ចូលគ្នា នៃសមិទ្ធផលចីរភាព ពីគ្រប់ក្រុមហ៊ុនបុត្រសម្ព័ន្ធទាំងអស់ របស់ស៊ីអាយអិមប៊ី គ្រុប ដែលរួមបញ្ចូលទាំងធនាគារ ស៊ីអាយអិមប៊ី ក្នុងប្រទេសកម្ពុជាផងដែរ។

សូមចូលមើលរបាយការណ៍ចីរភាពរបស់ស៊ីអាយអិមប៊ី គ្រុប