លក្ខខណ្ឌ

១. ការស្នើផ្ទេរប្រាក់ ដែលត្រូវបានធ្វើឡើងតាមរយៈមូលប្បទានប័ត្រ នឹងមានប្រសិទ្ធភាព បន្ទាប់ពីមូលប្បទានប័ត្រនោះទូទាត់ហើយប៉ុណ្ណោះ។

២. ធនាគារ (រួមទាំងសាខាទាំងអស់) មិនទទួលខុសត្រូវលើការពន្យារពេល ការខូចខាត ឬ ការបាត់បង់ណាមួយ ដែលកើតមានឡើង ឬ​ បណ្តាលមកពីការសម្រេចណាមួយ ដីកា ឬ បទបញ្ជារបស់រដ្ឋាភិបាលណាមួយ ឬ ភ្នាក់ងាររបស់រដ្ឋាភិបាលណាមួយ ឬសារាចរណែនាំ នៃអាជ្ញាធរ អាណាព្យាបាលណាមួយ (ទោះបីក្នុងប្រទេសកម្ពុជា ឬ ទីកន្លែងផ្សេង) ឬ មូលហេតុណាមួយផ្សេងទៀតក៏ដោយ ដែលហួសពីការគ្រប់គ្រងរបស់ធនាគារ សាខារបស់ធនាគារ ភ្នាក់ងាររបស់ខ្លួន ឬ​ អន្តរការី (Correspondents) នោះទេ។

៣. ការផ្ទេរតាមតេលេក្រាហ្វ​ (Telegraphic Transfer “TT”) ត្រូវបានធ្វើឡើងតាមខ្សែ ឬ​ តេឡិច ឬ តាមបណ្តាញណាមួយផ្សេងទៀត កូដ ឬ ការផ្ទៀងផ្ទាត់ដែលតម្រូវ (Authenticated) ដែលធ្វើឡើងតាមហានិភ័យរបស់អ្នកស្នើសុំខ្លួនឯង។ ទាំងធនាគារ ឬ បុគ្គលិករបស់ធនាគារ ឬ សាខាណាមួយ ធនាគារអន្តរការី (Correspondent Banks) និងភ្នាក់ងាររបស់ធនាគារមិនទទួលខុសត្រូវ ចំពោះលទ្ធផលណាមួយ ឬ​ ការបាត់បង់ ដែលកើតឡើង ឬ បណ្តាលមកពី (​ i ) ការខកខាន កំហុស ការបកស្រាយខុស ការធ្វេសប្រហែស ឬកិច្ចធ្វេសប្រហែសណាមួយផ្សេងទៀត ឬលើផ្នែកណាមួយនៃធនាគារ ( ii ) ការខូចខាត ការរហែក ឬការបាត់បង់ពាក្យស្នើសុំផ្ទេរប្រាក់របស់អ្នកដាក់ពាក្យស្នើសុំ ទោះបីដោយមូលហេតុណាក៏ដោយ ( iii ) ភាពយឺតយ៉ាវ នៃការផ្ទេរតាមរយៈ TT ឬ ពន្យារពេលនៃការទទួលមូលនិធិនោះទេ (ដូចមានចែងបន្ទាប់ពីពេលនេះ) ដោយអ្នកទទួល ទោះបីដោយមូលហេតុណាក៏ដោយ។

៤. បើទោះបីជាធនាគារត្រូវខិតខំប្រឹងប្រែងបញ្ជូន ឬ ដំណើរការពាក្យស្នើសុំផ្ទេរតាម TT នៅក្នុងថ្ងៃតែមួយ ឬ នៅថ្ងៃធ្វើការបន្ទាប់ ( ថ្ងៃប្រតិបត្តិការ ) ធនាគារ ឬ ធនាគារអន្តរការី (Correspondent Banks)​ ឬភ្នាក់ងាររបស់ធនាគារ ​មិនទទួលខុសត្រូវ ឬទទួលសង ចំពោះភាពយឺតយ៉ាវក្នុងការទូទាត់ ប្រសិនបើ ( i ) ប្រតិបត្តិការត្រូវបានពន្យាពេល ដោយសារតែធនាគារអន្តរការី (Correspondent Banks)​ ឬ ភ្នាក់ងាររបស់ធនាគារ ស្ថិតក្នុងតំបន់ម៉ោងខុសពីតំបន់ម៉ោងរបស់ធនាគារ ឬ ( ii ) ការពន្យាពេលបណ្តាលមកពី ឬ ដោយសារតែថ្ងៃប្រតិបត្តិការនៃប្រតិបត្តិការនោះ ធ្វើឡើងក្នុងថ្ងៃឈប់សម្រាក នៅក្នុងប្រទេស ឬ​រដ្ឋដែលអ្នកត្រូវទទួល ឬ ធនាគារអន្តរការី (Correspondent Banks)​ ឬភ្នាក់ងាររបស់ធនាគារនោះស្ថិតនៅ។

៥. ក្នុងខណៈដែលធនាគារខិតខំប្រឹងប្រែងបំពេញចំណាត់ការប័ណ្ណបញ្ជាឱ្យទូទាត់ នៅក្នុងថ្ងៃដដែល ឬ នៅថ្ងៃការងារបន្ទាប់ ( ផ្អែកលើពេលវេលា ដែលទទួលបាន​ ) ការទទួលប័ណ្ណបញ្ជាឱ្យទូទាត់ពីស្ថាប័នហិរញ្ញវត្ថុមួយផ្សេងទៀត ក្នុងករណីដែលការបញ្ជាឱ្យទូទាត់ មិនមានភាពត្រឹមត្រូវ ឬ​ មិនពេញលេញ ឬ មានភាពមិនស្របគ្នាណាមួយនោះ។

៦. ប្រសិនបើធនាគារមិនទាន់ធ្វើ ឬ មិនទាន់ប្រតិបត្តិការផ្ទេរ ឬ ទូទាត់បានពេញលេញ ស្របតាមលក្ខខណ្ឌដែលមាននៅក្នុងនោះ និងរក្សាទុកទឹកប្រាក់នៃ​ DD ឬ BC ឬ TT ( រួមទាំងមូលនិធិ ដែលត្រូវបញ្ជូនត្រលប់វិញ ) («មូលនិធិ») ធនាគារតាមឆន្ទានុសិទ្ធិដាច់ខាតរបស់ខ្លួនអាចធ្វើការទូទាត់មូលនិធិ ឱ្យទៅដាក់ពាក្យស្នើសុំវិញ តាមការស្នើសុំរបស់អ្នកដាក់ពាក្យស្នើសុំ។ ធនាគារមានសិទ្ធិកាត់ចេញនូវរាល់ការចំណាយ អត្រាការប្រាក់ សោហ៊ុយ និងការចំណាយណាមួយ ដែលកើតមានឡើងទាក់ទងនឹង ឬ បណ្តាលមកពីធនាគារធ្វើការទូទាត់មូលនិធិត្រលប់វិញ។ ប្រសិនបើត្រូវបានធ្វើឡើងដោយធនាគារ ការទូទាត់មូលនិធិត្រលប់វិញត្រូវអនុលោមតាមលក្ខខណ្ឌរបស់ធនាគារ ដែលមានជាធរមាន សម្រាប់នាពេលបច្ចុប្បន្នដែលអាចត្រូវបានផ្លាស់ប្តូរ ឬ កែប្រែនាពេលណាមួយនាអនាគត។​ ប្រសិនបើំមូលនិធិជារូបិយវត្ថុបរទេស ត្រូវយកអត្រាប្តូរប្រាក់

(អត្រាទិញ) ដែលជាធរមានក្នុងនោះអនុវត្ត។ ទោះជាយ៉ាងណាក៏ ករណីនេះត្រូវស្របតាមលក្ខខណ្ឌហាមឃាត់ណាមួយ ដែលអាចកំណត់ដោយធនាគារនៅពេលណាមួយនាពេលអនាគត។ BC​ ឬ DD ត្រូវយកទៅបង្ហាញនៅធនាគារ សម្រាប់ការទូទាត់ នៅមុនហួសរយៈពេលសុពលភាព។

៧. អ្នកដាក់ពាក្យស្នើសុំត្រូវជូនដំណឹង ជាលាយលក្ខណ៍អក្សរភ្លាម ដល់សាខារបស់ធនាគារ ដែលបានទទួល និងធ្វើប្រតិបត្តិការលើពាក្យស្នើសុំ ពាក់ព័ន្ធទៅនឹងការមិនទទួលទឹកប្រាក់ណាមួយរបស់អ្នកទទួលប្រាក់។ បន្ទាប់ពីបានទទួលការជូនដំណឹង ដោយត្រឹមត្រូវជាលាយលក្ខណ៍អក្សរ ដោយអ្នកដាក់ពាក្យស្នើសុំនោះ ធនាគារត្រូវចាប់ផ្តើមធ្វើការអង្កេត និងតាមឆន្ទានុសិទ្ធិរបស់ធនាគារ អាចធ្វើការកែប្រែណាដែលចាំបាច់ ក្នុងលក្ខខណ្ឌដែលមិនបានទទួលមូលនិធិនោះ​ កើតឡើងដោយសារ ឬ បណ្តាលមកពីចំណាត់ការ ឬ ការធ្វេសប្រហែសដោយធនាគារ និងមិនមែនដោយសារ ឬ​​ បណ្តាលមកពីមូលហេតុណាមួយ ដែលហួសពីការគ្រប់គ្រងសមស្របរបស់ធនាគារ ឬ​ ធនាគារអន្តរការី (Correspondent Banks)​ ឬ ភ្នាក់ងាររបស់ធនាគារ។ រាល់ការចំណាយដែលកើតមានឡើងបណ្តាលមកពីការកែប្រែ ដូចមានចែងខាងលើ ប្រសិនបើធនាគារបានបំពេញជាបន្ទុក​របស់អ្នកដាក់ពាក្យស្នើសុំ។

៨. រាល់ប្រាក់កម្រៃទាំងអស់ ដែលកើតមានឡើងចំពោះធនាគារ ជំនួសឱ្យអ្នកទទួលប្រាក់ ទោះបីនៅក្នុង ឬ នៅក្រៅប្រទេសកម្ពុជាជាបន្ទុករបស់អ្នកទទួលប្រាក់ លើកលែងតែមានការបញ្ជាផ្ទុយពីនោះត្រូវបានធ្វើឡើងដោយអ្នកដាក់ពាក្យស្នើសុំ។

៩. ធនាគារមានសិទ្ធិក្នុងការផ្សព្វផ្សាយព័ត៌មាន ក្នុងសកម្មភាពអាជីវកម្មធម្មតារបស់ខ្លួន ទាក់ទងនឹងកិច្ចការ ឬ គណនីរបស់អ្នកដាក់ពាក្យស្នើសុំ ដោយ​មិនចាំបាច់មានការយល់ព្រមជាមុនពីអ្នកដាក់ពាក្យស្នើសុំនោះទេ។

 i. ទៅធនាគារណាមួយ ដែលជាស្ថាប័នហិរញ្ញវត្ថុ សម្រាប់គោលបំណងនៃការស៊ើបអង្កេត

 ii. សម្រាប់ ឬ​ ជាប់ទាក់ទងនឹងបណ្តឹង ឬ ដំណើរការនីតិវិធីណាមួយ ដែលត្រូវបានធ្វើឡើង សម្រាប់គោលបំណងទាមទារទឹកប្រាក់ដែលជំពាក់ និងដែលត្រូវទូទាត់ដោយអ្នកដាក់ពាក្យស្នើសុំ ទៅធនាគារ

iii. ទៅអាជា្ញធរ ឬ ស្ថាប័នណាមួយ ដែលត្រូវបានបង្កើតឡើងដោយធនាគារជាតិ នៃកម្ពុជា ឬ​អាជ្ញាធរណាមួយផ្សេងទៀតដែលមានយុធ្ថាធិការ លើវិស័យធនាគារ។

iv. តាមការបញ្ជា ឬ ស្នើសុំដោយតុលាការតាមការណែនាំ ឬស្នើសុំដោយតុលាការ និង

v. បុគ្គលណាក៏ដោយ នៅក្នុង ឬ នៅក្រៅប្រទេសកម្ពុជា រួមទាំងតែមិនកំណត់ត្រឹមក្រុមហ៊ុន នៅក្នុងក្រុមហ៊ុនមេ នៃធនាគារព្រមទាំងក្រុមហ៊ុនបុត្រសម្ព័ន្ធ នៃក្រុមហ៊ុន ស៊ីអាយអិមប៊ី គ្រុប ហ៊ូលឌីង បឺហាត​ (CIMB Group Holdings Berhad) ដែលជាក្រុមហ៊ុនហ៊ូលឌីងដើមតែមួយគត់របស់ធនាគារ («ក្រុមហ៊ុនមេ ») ទោះបីជាក្រុមហ៊ុនមេនោះ ស្ថិតនៅក្នុង ឬ ធ្វើសកម្មភាពអាជីវកម្ម ឬ ចុះបញ្ជី ឬ បានបង្កើតឡើងនៅក្នុង ឬ នៅក្រៅប្រទេសកម្ពុជាក៏ដោយ នូវព័ត៌មានណាមួយអំពី ឬ ដែលទាក់ទងទៅនឹងខ្ញុំ /យើងខ្ញុំ កិច្ចការរបស់ខ្ញុំ/យើងខ្ញុំ និង/ឬ គណនីរបស់ធនាគារ សម្រាប់គោលបំណងខាងលើនេះដែលធនាគារយល់ឃើញថា ត្រឹមត្រូវ ឬ សមស្រប។ ការផ្សព្វផ្សាយទៅក្រុមហ៊ុនមេ ដែលពាក់ព័ន្ធនឹងការផ្សព្វផ្សាយការលក់ ការផ្តល់ និងការចែកចាយ នូវផលិតផលនិង សេវាហិរញ្ញវត្ថុ ត្រូវធ្វើឡើងសម្រាប់តែការសម្រួលប្រតិបត្តិការ អាជីវកម្មនិង ការលក់ឆ្លងកាត់ និងគោលបំណង ផ្សេងទៀតរបស់ធនាគារ និង/ឬ ក្រុមហ៊ុនមេ។

១០. ធនាគារមានសិទ្ធិ ក្នុងការផ្សព្វផ្សាយព័ត៌មានណាមួយរបស់អ្នកដាក់ពាក្យស្នើសុំ នៅក្នុងនោះ ទៅសាខារបស់ខ្លួនណាមួយការិយាល័យកណ្តាល ឬ រដ្ឋាភិបាល ក្នុងគោលបំណងបំពេញកាតព្វកិច្ច ក្នុងការរាយការណ៍ ដែលបានតម្រូវ។

១១. នៅគ្រប់ពេលវេលា ធនាគារមានសិទ្ធិដោយឆន្ទានុសិទ្ធិតែមួយគត់របស់ខ្លួន ដោយគ្មានការទទួលខុសត្រូវ និងដោយមិនមានកាតព្វកិច្ចក្នុងការផ្តល់មូលហេតុណាមួយ ចំពោះការបដិសេធដំណើរការប្រតិបតិ្ត ឬ បំពេញ និង/ឬ លុបចោល និង/ឬ បដិសេធ និង/ឬ ផ្អាកពាក្យស្នើសុំ សម្រាប់ BC ឬ DD និង/ឬ TT ប្រសិនបើធនាគារមានការសង្ស័យថា ទឹកប្រាក់សម្រាប់ធ្វើការទូទាត់ត្រូវទទួលបានដោយខុសច្បាប់ និង/ឬ ទឹកប្រាក់ត្រូវបានផ្ទេរ សម្រាប់គោលបំណងខុសច្បាប់ ឬ នៅក្នុងករណីដែលធនាគារមិនទាន់ទទួលបានព័ត៌មានណាមួយគ្រប់គ្រាន់ និង/ឬ ព័ត៌មានពិស្តារ ដែលផ្តល់ដោយអ្នកដាក់ពាក្យស្នើសុំ សម្រាប់គាំទ្រពាក្យស្នើសុំនោះ។

១២. ទំនាក់ទំនងហិរញ្ញវត្ថុ ‌៖ ជាទូទៅកើតមាននៅពេលដែលមានប្រតិបតិ្តការពីររវាងក្រុមហ៊ុន-សហគ្រាស នឹង ក្រុមហ៊ុន-សហគ្រាសដែលជាសម្ព័ន្ធញាតិនឹងគ្នា។ នេះមានន័យថា  បុគ្គលជាប្រតិបតិ្តករអាចកាន់កាប់ភាគហ៊ុនមួយផ្នែក ឬទាំងស្រុងរបស់ប្រតិបតិ្តករផ្សេងទៀតដោយផ្ទាល់ ឬដោយប្រយោល។

- មាន (មានទំនាក់ទំនង)៖ ក្រុមហ៊ុន-សហគ្រាសវិនិយោគផ្ទាល់ ជាការវិនិយោគរវាងប្រតិបតិ្តករជានិវាសនជន ឬអនិវាសនជន ជាមួយប្រតិបត្តិករអនិវាសនជន ឬនិវាសនជន ដែលមានភាគហ៊ុន ១០% ឬច្រើនជាង​១០% នៃក្រុមហ៊ុន-សហគ្រាសវិនិយោគផ្ទាល់។

- គ្មាន(គ្មានទំនាក់ទំនង)៖ មានន័យថាប្រតិបតិ្តករជាអនិវាសនជន ឬ និវាសនជនគ្មានភាគហ៊ុន ឬ មានភាគហ៊ុនតិចជាង ១០%ជាមួយប្រតិបត្តិករជាអនិវាសនជន ឬនិវាសនជនផ្សេងទៀត។

-មិនដឹង​ (មិនដឹងពីទំនាក់ទនង)៖ មិនដឹងពីទំនាក់ទំនង។