គន្លឹះហិរញ្ញវត្ថុ ៤ចំណុច ដើម្បីក្លាយជាម្ចាស់គេហដ្ឋានឆាប់រហ័ស

បង្ហាត់ខ្លួនអ្នក ឲ្យមានទម្លាប់សន្សំប្រាក់ មុនពេលចំណាយផ្សេងៗ ហើយធ្វើការចំណាយត្រឹមត្រូវ ទៅលើអ្វីដែលអ្នកត្រូវការ។ វាមិនត្រឹមតែធ្វើឲ្យការចំណាយរបស់អ្នកមានតម្លៃប៉ុណ្ណោះទេ តែថែមទាំងជួយសន្សំប្រាក់របស់អ្នកបានច្រើនទៀតផង។ ដូច្នេះលោកអ្នកនឹងមិនចំណាយ លើអ្វីដែលអ្នកគួរសន្សំឡើយ។

គន្លឹះសំខាន់៖ បើកគណនីសន្សំ ដែលផ្តល់នូវអត្រាការប្រាក់ខ្ពស់ ឬគណនីបញ្ញើមានកាលកំណត់ ដើម្បីបង្កើនប្រាក់របស់អ្នក។

ម៉ារី កុនដូ បាននិយាយថា «ប្រសិនបើវាជារឿងមិនបានការ បោះបង់វាទៅ!» កាត់បន្ថយសម្ភារៈប្រើប្រាស់របស់អ្នក ដោយលក់ចេញរបស់ណា ដែលលោកអ្នកមិនចាំបាច់ ដើម្បីរកចំណូលតិចតួចបន្ថែម។ លើសពីនេះ ប្រសិនបើលោកអ្នកចូលចិត្តធ្វើម្ហូប ឬគូររូបជាដើម លោកអ្នកអាចកែច្នៃចំណង់ចំណូលចិត្តរបស់អ្នក ឲ្យក្លាយជាចំណូលបន្ថែម ដើម្បីសន្សំប្រាក់បន្ថែម សម្រាប់ទិញគេហដ្ឋាន។

បង្កើតដំណើរកម្សាន្ត ដោយភាពឆ្លាតវៃ ដោយរៀបចំផែនការវិស្សមកាល ក្នុងរង្វង់ថវិការរបស់អ្នក និងក្នុងពេលរដូវកាលធម្មតា។ សម្រាប់ជើងហោះហើរតម្លៃល្អ សូមកក់សំបុត្រយន្តហោះទុកជាមុន។ សម្រាប់ការកម្សាន្ត សូមទិញសំបុត្រអនុញ្ញាត ជាលក្ខណៈក្រុម ដើម្បីទទួលបានការបញ្ចុះតម្លៃពិសេស។ ការសិក្សាស្រាវជ្រាវ មុនពេលលោកអ្នកធ្វើដំណើរកម្សាន្ត អាចជួយសន្សំប្រាក់បន្ថែមទៀត ហើយជួយឲ្យលោកអ្នកអាចក្លាយជាម្ចាស់គេហដ្ឋាន ដូចបំណងប្រាថ្នាកាន់តែឆាប់រហ័ស។

ការស្នើសុំឥណទាន មិនមែនជារឿងចម្លែក ហើយគួរឲ្យអៀនខ្មាស់ទៀតឡើយ បច្ចុប្បន្ននេះ។ វាអាចនឹងយឺតពេលទៀតផង ក្នុងការសន្សំ ហើយរង់ចាំរហូតដល់ ១០ឆ្នាំ ទៅ ២០ឆ្នាំ ដើម្បីទិញគេហដ្ឋានផ្ទាល់ខ្លួន ស្របពេលដែលលោកអ្នកអាចស្វែងរកឥណទានគេហដ្ឋានល្អបំផុតមួយ ដែលកំពុងមានភាពសម្បូរបែប នៅលើទីផ្សារ។

គន្លឹះសំខាន់៖ ចូលមើលតំណរលីងនេះ ដើម្បីស្វែងយល់បន្ថែម អំពីឥណទានគេហដ្ឋាន។

មានវិធីសាស្រ្តល្អៗជាច្រើន សម្រាប់សន្សំប្រាក់។ លោកអ្នកអាចពឹងពាក់លើ Google ដើម្បីស្វែងរកឥណទានគេហដ្ឋាន ដែលសាកសមបំផុត សម្រាប់លោកអ្នក។ ជាមួយនឹងផែនការត្រឹមត្រូវ និងមានស្ថិរភាព លោកអ្នកអាចក្លាយជាម្ចាស់គេហដ្ឋាន កាន់តែឆាប់រហ័ស។

អត្ថបទនេះ នាំមកជូនដោយធនាគារ ស៊ីអាយអិមប៊ី ដែលជាផ្នែកមួយនៃកិច្ចប្រឹងប្រែងរបស់ធនាគារ ក្នុងការលើកកម្ពស់កម្រិតនៃការយល់ដឹង ផ្នែកហិរញ្ញវត្ថុ សម្រាប់ប្រជាជនកម្ពុជា។ ចំណេះដឹង និងការយល់ដឹង ផ្នែកហិរញ្ញវត្ថុ គឺជាគន្លឹះសំខាន់ សម្រាប់ធ្វើការសម្រេចចិត្ត ផ្នែកហិរញ្ញវត្ថុ ដោយគ្រប់ជ្រុងជ្រោយ និងផ្តល់អត្ថប្រយោជន៍ខ្ពស់ ដែលទាំងអស់នេះនឹងជួយលើកស្ទួយសុខុមាលភាពរបស់យើងទាំងអស់គ្នា។ ស្របជាមួយគ្នានេះ វាជួយសម្រេចទីសដៅរបស់ធនាគារ ស៊ីអាយអិមប៊ី ដើម្បីភាពប្រសើរឡើងរបស់អតិថិជន និងសង្គមជាតិទាំងមូល។