ប្រសិនបើស្ថានភាពអាសន្ន ត្រូវការចំណាយលើសពីប្រាក់សន្សំរបស់អ្នកតិចតួច សូមកុំពិបាកអ្វីច្រើន។ លោកអ្នកអាចស្វែងរកវិធីបង្កើនប្រាក់ ជាមួយនឹងការងារបន្ថែម ដែលមិនប៉ះពាល់ដល់ពេលវេលារបស់អ្នកច្រើន។ ឧទាហរណ៍ លោកអ្នកអាចចុះឈ្មោះជាអ្នកបើកបររថយន្តឈ្នួលក្រៅម៉ោង ដូចជា PassApp Grab Wego និង Tada ជាដើម។
ស្ថានភាពអាសន្ន ផ្នែកហិរញ្ញវត្ថុ បង្កើតឲ្យកាន់តែមានភាពស្មុគស្មាញ ដូច្នេះសូមសិក្សាស្វែងយល់ និងសម្រេចចិត្ត ដោយប្រុងប្រយ័ត្ន ទើបលោកអ្នកអាចគ្រប់គ្រងស្ថានការបាន។ ហើយប្រសិនបើអាច សូមរៀបចំមូលនីធិសង្គ្រោះបន្ទាន់មួយ ដើម្បីត្រៀមទុក សម្រាប់ស្ថានភាពអាសន្ន នាពេលអនាគត។
អត្ថបទនេះ នាំមកជូនដោយធនាគារ ស៊ីអាយអិមប៊ី ដែលជាផ្នែកមួយនៃកិច្ចប្រឹងប្រែងរបស់ធនាគារ ក្នុងការលើកកម្ពស់កម្រិតនៃការយល់ដឹង ផ្នែកហិរញ្ញវត្ថុ សម្រាប់ប្រជាជនកម្ពុជា។ ចំណេះដឹង និងការយល់ដឹង ផ្នែកហិរញ្ញវត្ថុ គឺជាគន្លឹះសំខាន់ សម្រាប់ធ្វើការសម្រេចចិត្ត ផ្នែកហិរញ្ញវត្ថុ ដោយគ្រប់ជ្រុងជ្រោយ និងផ្តល់អត្ថប្រយោជន៍ខ្ពស់ ដែលទាំងអស់នេះនឹងជួយលើកស្ទួយសុខុមាលភាពរបស់យើងទាំងអស់គ្នា។ ស្របជាមួយគ្នានេះ វាជួយសម្រេចទីសដៅរបស់ធនាគារ ស៊ីអាយអិមប៊ី ដើម្បីភាពប្រសើរឡើងរបស់អតិថិជន និងសង្គមជាតិទាំងមូល។
